प्रविधि क्षेत्रकै ठूलो एआई कम्पनी एन्थ्रोपिक (Anthropic) ले आफ्नो सबैभन्दा शक्तिशाली एआई मोडलको नयाँ संस्करण ‘Claude Opus 4.8’ विश्वभरका प्रयोगकर्ताका लागि सार्वजनिक गरेको छ । यो नयाँ मोडलले जटिल कार्यहरू र प्रोग्रामिङका समस्याहरू पुराना मोडलको तुलनामा निकै तीव्र गति र सटिकताका साथ समाधान गर्न सक्छ ।
यो नयाँ मोडलमा ‘डायनामिक वर्कफ्लो’ (Dynamic Workflows) जस्ता अत्याधुनिक फिचर थपिएका छन्, जसले एआईलाई ठूला-ठूला प्रोजेक्टहरू आफैं योजना बनाएर पूरा गर्ने क्षमता (Agentic Reasoning) प्रदान गर्दछ । प्रविधि विज्ञहरूका अनुसार यसले व्यावसायिक क्षेत्र र सफ्टवेयर विकासमा काम गर्ने तरिकालाई पूर्ण रूपमा बदल्नेछ ।
