२८ जेठ काठमाडौँ । संविधान संशोधन बहस पत्र तयारी कार्यदलले पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल र झलनाथ खनालसँग सामूहिक छलफल गरेको छ ।
प्रधानमन्त्री बालेन्द्र शाहका राजनीतिक सल्लाहकार असिम शाहको नेतृत्वमा गठित कार्यदलले बिहीबार तीनै जना पूर्वप्रधानमन्त्रीहरूसँग सुझाव संकलनका लागि भेटघाट गरेको हो ।
प्रचण्ड निवासमा सामूहिक भेटवार्ता
सुझाव संकलन गर्ने क्रममा संयोजक शाहसहितको टोली ललितपुरस्थित नेकपा माओवादी केन्द्रका अध्यक्षको निवास पुगेको थियो । सोही अवसरमा पूर्वप्रधानमन्त्रीद्वय नेपाल र खनालको समेत उपस्थिति रहेको थियो ।
कार्यदलले सोही स्थानमा तीनै जना शीर्ष नेताहरूसँग मुलुकको विद्यमान राजनीतिक अवस्था र संविधान संशोधनका विषयमा केन्द्रित रहेर सघन विचार विमर्श गरेको जनाएको छ ।
नेपालको संविधान परिमार्जनका लागि आवश्यक सुझावहरू संकलन गर्ने क्रममा उक्त टोलीले विभिन्न राजनीतिक दलका नेतृत्वसँगको भेटघाट र संवादलाई तीव्रता दिइरहेको छ ।
